Siyahıları Tərsdən Sıralamaq

Power Analytics

Hər hansı bir siyahıdakı dəyərləri böyükdən-kiçiyə və ya əlifba sırasının əksi istiqamətində sıralamaq, Excel platformunda çox rahatdır. Lakin, siyahıları tərsdən sıralamaq üçün nələr edə bilərik? Yəni ən altdakı dəyər ən üstə, ən üstdəki dəyər ən alta gələcək şəkildə. Məsələn, sağdakı saat markalarını sıralarkən, Versace-nin ən üstdə olacaq şəkildə tərsdən sıralanmasına necə nail ola bilərik? Bütün çətin zamanlarda olduğu kimi, bu dəfə də köməyimizə Power Query (Get & Transform Data) gələcəkdir.

Öncəliklə, siyahımız olan diapazonu Ctrl+T qısayolu ilə Table formatına çeviririk. Daha sonra, cədvəlimizin üzərinə gələrək, Data menyusundan Get & Transform Data bloku vasitəsilə From Table / Range seçirik.

Power Query Editor platformuna keçid aldıqdan sonra, menyudan Transform >> Reverse Rows klikləyirik.

Və siyahımızın anında tərsdən sıralanmış olduğunu görəcəyik.

Power Query hər şeyin dərmanı olmasa da, ənənəvi Excel-də uzun və lazımsız dərəcədə qəliz olan formullara ciddi alternativ və rahatlıqdır.

Uğurlar!