Aylıq / İllik hədəfləri olan şirkətlər, zaman keçdikcə hədəfləri ilə müqayisədə harada olduqlarını gündəlik olaraq izləmək məcburiyyətindədirlər. Bunu, zamanında reaksiya verə bilmələri üçün edirlər. Bu yazımızda, bütün hesablama və vizuallaşdırmaları yenidən Power BI platformu üzərində aparacağıq. Öncəsində, modelimizi yada salaq.
Şəkil 1 – də Əsas cədvəlimiz olan SalesData və ona bağlı olan 3 Masterdata cədvəllərindən Products, Customers və CalendarTable görürük. Masterdata cədvəlləri əsas cədvələ one-to-many əlaqəsi ilə bağlıdır.
SalesData cədvəlində qarşısında kalkulyator olan dəyərlər görürük, bunların hər biri ayrı-ayrılıqda bir measure-dır. Bizim bu yazıda istifadə edəcəyimiz tək measure – Total Sales measure-dır (siyahıda ən birinci). Bu measure ilə bizə lazım olan 3 fərqli formul yazaraq, bu günə olan satışları, ayın əvvəlindən bu günə qədər olan satışları və ilin əvvəlindən bu günə qədər olan satışları hesablayacağıq.
Hər zamankı kimi, köməyimizə CALCULATE funksiyası gələcək. Bu günün satışlarını hesablamaq üçün aşağıdakı kimi bir formul yazmalıyıq.
CalendarTable cədvəlindəki bu günə aid olan bütün sətirləri aktivləşdir, və hər birinin müvafiq Total Sales məbləğini müəyyən edərək onları cəmlə.
Power BI – da Matrix cədvəli üzərində bu measure-ı vizuallaşdırsaq, nəticəmiz belə olacaqdır:
İstifadə etməli olduğumuz DAX funksiyası – TOTALMTD.
Formulun əsas 2 parametri var:
Gəlin, DAX formulumuzu yazaq:
Eyni formulu Power BI – da yazdıqdan sonra, onu Şəkil 2-dəki Matrix cədvəlimizə əlavə etmədən öncə, İl və Ay filterlərini modelimizə daxil edək. VIZUALIZATIONS blokundan Slicer əlavə edirik.
Əlavə etdiyimiz slicer-lar əsas panelimizdə aşağıdakı kimi olmalıdır.
Şəkil 4-də görürük ki, filterlərdə il olaraq – 2018, ay olaraq isə – Noyabr seçilmişdir. Bu səbəblə, avtomatik filter konteksti işə düşmüş və soldakı Matrix cədvəlimizi müvafiq qaydada filterləmişdir.
Qeyd: Noyabr 2018 – ci il keçmiş tarix olduğu üçün, MTD Sales bütün aya aid satışı hesablamışdır. Məsələn, biz hal-hazırda real zamanlı olaraq Noyabr ayının 23-də olsaydıq, o zaman satışlar o tarixə qədər hesablanmış olacaqdı. Aşağıdakı şəkildəki kimi.
İlin əvvəlindən bu günə qədər olan satışları hesablamaq istəsək isə, TOTALYTD funksiyasından istifadə edəcəyik (Total Year-to-Date).
TOTALMTD funksiyası ilə tamamilə eyni sintaksa sahibdir.
DAX formulumuz isə, aşağıdakı kimidir:
Matrix cədvəlimizə əlavə edirik.
Sales of Today heç bir filterə tabe olmayacaq, çünki ancaq və ancaq içində olduğumuz/olacağımız günün satışlarını hesablayacaqdır.
Məsələyə bu dəfə başqa perspektivdən baxaq. 2018-ci ilin Fevral ayını günlər üzrə cədvəlimizə əlavə edib, formulun necə işlədiyinə baxaq.
Bu dəfə daha açıq-aydın görürük ki, günlər irəlilədikcə, TOTALMTD funksiyası ayın əvvəlindən həmin günə qədər olan bütün satışları cəmləyir. Və biz fevralın son gününə gəldiyimiz zaman, Martın 1-dən dəyərlərin yenidən sıfırdan başladığını görürük.
Lakin, TOTALYTD funskiyası isə arta-arta davam edir. Bizim də gözlədiyimiz məhz budur.