Hər kəsə salamlar!
Bu həftəki müsabiqəmizdə VLOOKUP funksiyası istifadə etməklə 2 və daha artıq kriteriyaya uyğun gələn dəyərləri tapmağa çalışacağıq.
Üzərində işləyəcəyimiz faylı endirək – Contest 3
Tarix, Məhsul, Müştəri Seqmenti və Satış Məbləği adlı 4 sütunumuz var. Xatırladığımız kimi, VLOOKUP funksiyası vasitəsilə sadəcə tək 1 kriteriyaya müvafiq dəyərlər tapıla bilir, məsələn, Məhsul (Product) əsasında hər hansı bir Satışı (Sales) müəyyən etməkdə çətinlik çəkməyəcəyik, bu, çox sadədir. Lakin, həm Məhsul, həm də Müştəri Seqmenti üzrə satış dəyərini tapmaq istəsək nə etməli?
Məsələn, Dövlət qurumuna satılmış Musiqi alətinin dəyərini öyrənmək istəsək, Sales xanasına hansı formul yazılmalıdır? Digər bir ifadə ilə, VLOOKUP funksiyası vasitəsilə 2 kriteriya olduğu zaman necə nəticə əldə edilə bilər?
Həllərinizi hər zaman olduğu kimi xlstuff@mail.ru ünvanına yollaya bilərsiniz. Qəbul üçün son tarix – 23 iyul 2016.
Uğurlar!