İl ərzində fərqli tarixlərdə minlərlə satış olduğunu və bu satışların cəminin həftələr və ya aylar üzrə qruplaşdırılmaq istəndiyini fərz edək. Bunu SUMIFS funksiyası ilə də rahatlıqla etmək olar, lakin məsələnin ən rahat yolu Pivot Table ilədir.
Bu cwr qruplaşdırılmış hesabat əldə etmək üçün, məlumat bazası olan yuxarıdakı cədvəlin hər hansı bir xanasına gələrək, Insert >> Pivot Table seçilərək pivot cədvəlimiz qurulur. (Pivot cədvəl haqqında daha ətraflı – Pivot Table və Slicer Filter yazısında tanış ola bilərsiniz)
Pivot cədvəl daxilində müvafiq olaraq Date və Amount seçildikdən sonra cədvəlimizin ilkin halı ilə tanış oluruq.
Lakin, burdakı problem ondan ibarətdir ki, pivot cədvəlimiz satış olan hər günün məbləğini ayrı bir sətir olaraq göstərir, biz isə, satışları həftəli olaraq qruplaşdırmaq istəyirik.
Bunu etmək üçün pivot cədvəl üzərində hər hansı bir tarixin üzərində sağ klikləyərək Group seçilməlidir.
Qarşımızda açılacaq yeni dialoq qutusundan qruplaşdırılacaq tarix aralığını seçməyimiz kifayət olacaqdır.
Siyahıda həftələr üzrə qruplaşdırma olmadığı üçün, Days (günlər) seçilərək, aşağıda da 7 günlük diapazonlar olaraq qruplaşdırmaq istədiyimizi müəyyən edirik. Bununla da, pivot cadvəlimizdəki məbləğlər 7 günlük intervallar ilə cəmləşdirilmiş olur.
Eyni məntiqlə, qruplaşdırma aylar, rüblər, illər üzrə də aparıla bilər.
Özünüz eksperiment aparmaq istəsəniz, əlavədəki faylı endirə bilərsiniz.
Uğurlar!
Faylı endir – Date grouping with Pivot Table