İki fərqli siyahıdakı təkrarlanan dəyərləri ən qısa yolla necə öyrənə bilərik? Bunun üçün uzun-uzadı formul yazıb vaxt itirməyə dəyməz. Excel-in Conditional Formatting (Şərti Formatlama) vasitəsilə ilə problemi saniyələr ərzində həll edə bilərik.
Fərz edək ki, əlimizdə aşağıdakı kimi 2 fərqli siyahı var və biz istəyirik ki, 1-ci siyahıda 2-ci siyahıda olmayan ölkələri müəyyən edək.
Qarşımızda duran sual çox bəsitdir: hansı ölkələr hər iki siyahıda da yer almışdır?
Bunun üçün hər iki siyahını highlight edib, Home >> Styles >> Conditional Formatting >> Highlight Cell Rules >> Duplicate Values ünvanına gedirik.
Qarşımızda açılan dialoq qutusunda təkrarlanan bütün dəyərlərin avtomatik fərqləndirildiyini görəcəyik. Burda əlavə 2 nyuans var.
Duplicate / Unique seçimi – İstəyimizə uyğun olaraq ya təkrarlanan, ya da unikal dəyərlərin fərqləndirilməsini istəyə bilərik. Biz misalımızda təkrarlanan dəyərləri seçirik
Rəngləndirmək istədiyimiz rəngin seçimi – Tamamilə zövqümüzə uyğun bir rəng seçə bilərik.
OK kliklədikdən sonra, hər iki siyahıda yer alan dəyərlər yuxarıdakı screenshot-da olduğu kimi qırmızı rəng və çəhrayı fona bürünmüş olacaqdır. List 1-dəki unikal siyahını əldə etmək üçün isə, həmin siyahıya filter tətbiq edib (Ctrl + Shift + L), rəngsiz xanaları seçməliyik.
Beləliklə, unikal siyahımızı əldə etmiş olacağıq.
Bu qədər sadə. Uğurlar!