100 metr məsafəli qaçış nəticələrinə əsasən yekun sıralamanı müəyyən etmək istədiyimizi fərz edək. Nəticələr isə aşağıdakı kimidir.
Elə bir formul yazmalıyıq ki, hər bir atletin sıralamada neçənci olduğunu göstərsin.
Bunun üçün RANK funksiyasından istifadə edəcəyik. Formul isə belə olacaqdır.
Gördüyümüz kimi, formul 3 hissədən ibarətdir. Texniki açıqlamaya keçmədən öncə, çox sadə dillə formulu belə izah edə bilərik. Cəmi 3 komponentimiz olacaq.
- Yoxlamaq istədiyimiz dəyər
- Bütün nəticələr olan aralıq
- Azdan çoxa, yoxsa çoxdan aza sıralama
Yuxarıdakı misalda Asafa Powell-ın dərəcəsi 9,72 saniyədir. RANK funksiyası bu nəticəni ümumi aralıqdakı bütün nəticələr ilə müqayisə edib, ümumi sıralamada neçənci olduğunu müəyyən edir. Gəlin funksiyanın hər 3 komponentinə baxaq.
Number: Yoxlanılmasını istədiyimiz dəyər – hər bir atletin qaçış nəticəsi
Ref: Bütün nəticələr olan aralıq – C3:C12 aralığı
[Order]: Sıralamanın növü – 0 (sıfır) seçilsə ən kiçik nəticə sıralamada sonuncu, 1 (bir) seçilsə ən kiçik nəticə sıralamada 1-ci olacaq. Bu misalda, ən kiçik nəticə ən yaxşı nəticə sayıldığı üçün 1 seçməliyik.
Cədvəlin yekun halı isə belə olacaqdır.
Formulları araşdırmanız üçün əlavədəki faylı endirə bilərsiniz. C3:C12 aralığının ətrafında $ işarələrindən istifadə edildiyini görəcəksiniz. Nə olduqları haqqında heç bir məlumatınız yoxdursa, Formullardakı məşhur $ işarələri mövzusunu oxumanızı tövsiyyə edərdim.
Kiçikdən böyüyə doğru sıralamadan əlavə, böyükdən kiçiyə doğru sıralama da faylda öz əksini tapıb. Müqayisə edərək, 0 və 1 seçdiyimiz zaman aradakı fərqlərin nəticələrə necə təsir etdiyini daha aydın şəkildə görmə şansınız olacaq.
Uğurlar!
Faylı endir – RANK function