Xüsusilə HR sahəsində işləyən bir çox insan mətn xarakterli məlumatlarla daha çox işləyir və müəyyən vacib və sadə funksiyaları bilmədiyi zaman, 1-2 saniyəlik işini bəzən saatlarla etməli olur. Bu yazı məhz o problemləri aradan qaldırmaq məqsədi daşıyır.
Mətnlə işləmək üçün Excel-də bir sıra faydalı funksiya mövcuddur və hər biri istifadə baxımından çox sadədir. Yazımızda istifadə edəcəyimiz funksiyalar: LEFT, RIGHT, TRIM, LOWER, UPPER və PROPER.
Hər birinin nə işə yaradığına bir-bir baxaq.
LEFT
Hesab edək ki, əlimizdə işçilərimizin adları və soyadları olan siyahı var və hər hansı bir səbəbdən, biz bu siyahıda ad və soyadları bütövlükdə yox, hər bir işçinin adının ilk 3 hərfini görmək istəyirik.
Bunun üçün LEFT funksiyasından istifadə edəcəyik. Tək etməli olduğumuz lazımi xanaya gəlib, LEFT funksiyası daxilinə kəsmək istədiyimiz xananı və soldan neçə simvolun görüntülənməsini istədiyimizi yazırıq.
RIGHT
Adından da anlaşılacağı kimi, RIGHT funksiyası mətni ən soldan yox, ən sağdan kəsməyə başlayır. Sintaksı LEFT ilə tamamilə eynidir. Yuxarıdakı siyahıdakı adların ən sağdan 5 simvolunu görüntüləmək istəsək, yazacağımız funksiya aşağıdakı kimi olacaqdır.
TRIM
Bəzən muhasibatlıq proqramlarımızdan aldığımız çıxarışlar istifadəyə yararsız olur. Bir çox yerdə lazımsız boşluqlar olan siyahılarla işləməli oluruq. Bunları bir-bir təmizləmək əvəzinə TRIM funksiyası ilə hər şeyi anında təmizləmiş oluruq.
TRIM funksiyası sözlər arası boşluqlar istisna olmaqla digər bütün lazımsız boşluqları silir.
Etməli olduğumuz tək şey – təmizlənməsini istədiyimiz xananı adıkeçən funksiyanın içinə yazmaqdır.
“Azərbaycan” və “Respublikası” sözləri arasında olan boşluqları TRIM funksiyası ilə necə təmizləndiyini özünüz yoxlaya bilərsiniz.
LOWER, UPPER, PROPER
LOWER – mətndəki bütün hərfləri kiçik hərf ilə əvəz edir.
UPPER – mətndəki bütün hərfləri böyük hərf ilə əvəz edir.
PROPER – mətndəki bütün sözlərin ilk hərflərini böyük, digər hərflərini isə kiçik hərflə əvəz edir.
Gəlin eyni mətni hər 3 funksiya ilə test edək.
Gördüyümüz kimi, LOWER funksiyası hər şeyi kiçik, UPPER böyük, PROPER isə hər sözün ilk hərfini böyük, geri qalan hərfləri isə kiçik hərflə yazdı. Sintaksları da çox bəsitdir.
=UPPER(mətn), =PROPER(mətn)
Uğurlar!