Daha öncə, Excel-in yeni 2019 versiyasında yeni funksiyalar əlavə edildiyini bildirmişdik. Bu funksiyalardan ikisi CONCAT və TEXTJOIN funksiyalarıdır. Hər iki funksiya mətnləri birləşdirməyə yaradığı üçün, bu yazıda ikisi arasındakı fundamental fərqdən bəhs edəcəyik.
CONCAT funksiyası
Adından da gördüyümüz kimi, “adaşı” CONCATENATE funksiyasının qısaltmasıdır, sintaksı da tamamilə eynidir, gördüyü iş də – fərqli xanalardakı dəyərləri tək bir xanada birləşdirməyə yarayır.
Hər iki formulun sintaksına diqqət yetirsək görərik ki, CONCATENATE funskiyasında xanaları tək-tək (B3, B4, B5) seçmək məcburiyyətində olsaq da, CONCAT funskiyasında bütöv diapazonlar (B3:B5) seçilə bilir. Və bu xüsusiyyət, CONCAT funskiyasının əsas üstünlüyüdür, vaxt qazandıran alətidir.
TEXTJOIN funksiyası
TEXTJOIN funksiyası, yuxarıda bəhs etdiyimiz 2 funksiyada fundamental olaraq fərqlənir və hər ikisinin çatışmazlıqlarını aradan qaldırır. Belə ki:
- CONCATENATE funksiyasının çatışmazlığı – xanaları diapazon olaraq bir dəfəyə yox, tək-tək seçməli olmağımızdır.
- CONCAT funksiyasının çatışmazlığı – xanalar arasındakı boşluqları tək-tək daxil etmək məcburiyyətində olmağımızdır.
TEXTJOIN isə, hər iki problemi həll edir. Gəlin, sintaksı ilə tanış olaq:
Funksiya 3 parametrdən ibarətdir:
- Delimiter: Mətnlər arasındakı simvolu müəyyən edirik. Bu simvol – boşluq, vergül, nöqtə və ya hər hansı başqa bir delimiter ola bilər.
- Ignore_empty: TRUE və ya FALSE daxil edirik. TRUE olsa – yazılardakı boşluqları iqnor edəcək, FALSE olsa – etməyəcək.
- Text1…TextN: Birləşdirmək istədiyimiz dəyərlər. Tək-tək və ya diapazon olaraq təyin edirik.
Formulumuzu tamamlayıb, nəticəsi ilə tanış olaq:
Öncəliklə, delimiter olaraq boşluq seçdik, daha sonra TRUE yazaraq ola biləcək boşluqları iqnor etməsini istədik, və sonda, birləşdirmək istədiyimiz diapazonu (B3:B5) müəyyən etdik.
Hər 3 funksiyanın davranış şəklini tək skrində görmək mümkündür:
Uğurlar!