Excel-də ən bilinməyən, lakin eyni zamanda çox faydalı olan funksiyalardan biri CONVERT funksiyasıdır. Bu funksiya ilə aşağıdakı suallara asanlıqla cavab tapmaq olar:
- 5,6 byte neçə bit-dir?
- 38° Celsius neçə Fahrenheitdir?
- 1,500 saniyə neçə saatdır?
Bunlar kimi yüzlərlə digər ölçü vahidinin başqa ölçü vahidinə konvertasiyası zamanı CONVERT funksiyasından istifadə edəcəyik.
Məsələn, 2,500 saniyənin neçə dəqiqə etdiyini öyrənmək üçün,
funksiyasını yazmağımız kifayət edəcəkdir.
Gördüyümüz kimi, funksiya 3 komponentdən ibarətdir:
- Konvertasiya edilmək istənən dəyər – 2,500 saniyə
- Hansı ölçü vahidindən – saniyə
- Hansı ölçü vahidinə – dəqiqə
Funksiyanı yazarkən, ölçü vahidlərinin siyahısı ilk komponenti daxil etdikdən sonra qarşımıza çıxacaqdır, burdan müvafiq olanını seçərək, funksiyaya daxil etmək lazımdır.
İlk ölçü vahidini əlavə etdikdən sonra, sıra ikinci ölçü vahidini seçməyə gəlir. Məsələn, ilkində “sec”, yəni saniyə seçmişsək, o zaman ikinci ölçü vahidi üçün bütün yuxarıdakı siyahı yox, sadəcə vaxt cinsindən olan ölçü vahidləri gələcəkdir.
Bu da, təbii ki, məntiqlidir, çünki saniyəni litrə/hündürlüyə/uzunluğa çevirmək məntiqsiz olardı.
Sizi maraqlandıran digər ölçü vahidləri ilə də özünüz maraqlana bilərsiniz.
Uğurlar!
